Avtomobillər də «üzməyə» başladı – QİYMƏTLƏR ARTIB
Bu gün manatın yenidən ucuzlaması avtomobil bazarına da təsirsiz ötüşməyib. Fins.az-ın məlumatına görə, bəzi avtomobil şirkətləri qiymətləri bahalaşdırsa da, bəziləri qeyri-müəyyən vəziyyəti nəzərə alıb satışları dayandırıb. Bəzi avtomobil şirkətləri isə hələlik köhnə qiymətlərlə satışları davam etdirir.
“X5” avtomobili 46 min manat bahalaşıb
“BMW”, “Mini” və “Rolls Roys” avtomobillərinin satışı həyata keçirən “İmprotex Motors” şirkəti hazırda avtomobil satışının olduğu bildirilib. Avtomobilin avro ilə qiyməti armasa da, manat məzənnəsində yeni qiymətlə satılır. Məsələn, 87 min avroya satılan (100 min manat) 3.0 mühərrikli 2015-ci model “BMW X5”in manatla qiyməti 46 min artaraq 146 min manat olub. “BMW 520” avtomobilinin qiyməti 57 min manatdan 84 min manata qədər artıb. Şirkətdən fins.az-a verilən məlumata görə, avtomobillərin qiyməti manatın ucuzlaşma faizi həcmində (47.6 %) bahalaşıb.
“Toyota” satışları dayandırdı
“Toyota Bakı Mərkəzi” isə hazırda satışları dayandırıb. Şirkətdən fins.az-a verilən məlumata görə, manatın ucuzlaşması ilə bağlı yaranan qeyri-müyyən bir vəziyyətlə əlaqədar olaraq masin alqi satqisi dayandırılıb.
Bəzi şirkətlər qiyməti dəyişməyib
“Auto Azerbaijan” şirkətinin də satışları dayandırmadığı deyilsə də, şirkət bu məlumatı təkzib edib. Bildirilib ki, hazırda bütün modellər köhnə qiymətləri ilə satılır. “Audi Bakı Mərkəzi”ndən də avtomobillərinin qiymətlərində hər hansı bir dəyişiklik olmadığını deyiblər: “Audi”ləri köhnə qiymətlə satılır. Lakin yeni gətiriləcək avtomobillərin qiymətlərində mütləq bahalaşma olacaq”.
«Honda»nın indiki qiymətlər 10 gün dəyişməyəcək
“Honda Avtomobil Mərkəzi”nin marketinq meneneceri Kamran Məmmədov fins.az-a bildirib ki, “Honda”, “Mitsubishi”, “Mazda” və “Subaru” avtomobillərinin qiymətlərində hər hansı bir artım yoxdur. O bildirib ki, dekabr ayının 31-nə kimi avtomobillər köhnə qiymətlərlə satılacaq. Avtomobillerin liziq satisi da nəzəedə tutulmuşdur. Yeni ildə avtomobillərin qiymətlərinin necə dəyişəcəyi hələlik məlum deyil.
